A
partir de hoxe e ata o 2 de maio poderemos deternos a admirar unha
das coleccións do noso Carlos Casares: os Principiños en 92
linguas. A exposición, cedida pola Fundación
Carlos Casares,
forma parte da serie de actividades que se están a levar a cabo
dentro do proxecto Galaxia Casares. Durante todo o mes de maio iremos
dando a coñecer os traballos que foi realizando o noso alumnado
durante este curso.
O pasado venres, 15 de abril, o escritor galego Carlos Vila Sexto visitou o noso centro. O alumnado de primeiro e segundo de ESO tivo a oportunidade de escoitar o seu relatorio. Carlos falou das súas influencias na escrita: o mundo do cómic e dos superheroes (Superman, Spiderman), dos videoxogos (The last of us, Heavyrain), debuxos animados (Doraemon, David o Gnomo), películas (E.T, Goonies, Os inmortais), lecturas (El resplandor), escritores (Stephen Kin), etc. Un dos aspectos que máis valorou o noso alumnado foi a súa capacidade para sentirse adolescente, coma eles, e ser quen de acaparar a súa atención.
Moitas grazas Carlos pola túa segunda visita ao centro, e grazas tamén á Editorial Galaxia por facer posible esta visita e polo seu afán por achegar a literatura galega aos nosos mozos e mozas.
2. Presentación en Power Point, en la pantalla de la entrada.
Dende o ano 1999 a UNESCO decidiu dedicarlle un Dia Universal a un género literario que reflexiona sobre o poder da linguae poética. Como vén sendo habitual neste día, preténdese apoiar a diversidade lingüística a través da expresión poética, e dar a oportunidade ás linguas ameazadas de ser un vehículo de comunicación artística nas súas comunidades respectivas. 
Onte volvemos gozar coas historias tiradas da literatura popular grazas a Brais, integrante de A tropa de trapo. Nesta ocasión os contos de medo, onde a Santa Compaña, as encrucilladas, os espíritos que entran nos corpos das persoas ou as crenzas arredor da morte encheron o auditorio do IES Carlos Casares e fixéronnos tremer de medo, rir coas ocorrencias dos protagonistas e gozar dunha tradición oral que, como ben deixou claro Brais, non debemos esquecer porque forma parte de nós, da nosa forma de ser.
O 8 de marzo é o Día Internacional da Muller. En orixe era un día marcado pola solidariedade cos pobres. Son os empobrecidos os que comezan a unirse para a súa promoción. As mulleres loitan polos dereitos de ambos sexos, son sensibles pola vida en xeral, tratan o tema da fame da guerra, da escravitude e da explotación dos nenos. Todas as súas declaracións impulsan unha solidariedade claramente global e internacional. Unha cita da doutora M. Araus pon de manifesto que "a muller pasou á historia do movemento obreiro como a nai da solidariedade, sen a súa capacidade de resistencia e de loita non habería movemento obreiro".
O 8 de marzo de 1857, centos de mulleres dunha fábrica téxtil de Nova York organizaron unha marcha en contra dos baixos salarios e en contra das condicións inhumanas do traballo. Dous anos máis tarde daquel histórico 8 de marzo, crean o seu primeiro sindicato. 
Lamenteblemente a muller aínda ten chanzos que subir na sociedade actual e de aí a importancia de destacar e reivindicar este día 8 DE MARZO.
