Teatro: PAN! PAN! A PANADARÍA.

O pasado luns, día dous de maio, a compañía teatral "A PANADARÍA" representou a obra "PAN! PAN!" no auditorio do noso instituto.

Tratábase dunha parodia dos "westerns americanos", con música vocal en directo.

En escena estaban só tres actrices (Areta, Noelia e Ailén), axudadas unicamente  por unha bandeira dos Estados Unidos. 

Esta comedia reflectiu o mundo dos vaqueiros e dos indios, pero dun xeito diferente, defendendo o amor más alá das apariencias externas.

Houbo balas, country, whisky, risas e reflexión, cun final sorprendente.

A obra recibiu os seguintes premios:

Primeiro Premio Xuventude CREA 2013.

Premio Crítica Galicia 2015.

Premio María Casares 2015 a: Areta Bolado, mellor actriz secundaria, e nominación a mellor música orixinal.